7月27日(星期二)晴

昨晚係第一次o係巴黎的apartment聽到蚊叫聲,嗡到我訓唔到,晨早5點又唔知俾個乜野長途電話吵醒.....吃了昨日買的大飽,執好野,清潔好地方,大約7點半先出門口去機場。但我o地行李太重,每人有成20幾kg,上次就話有屋主個阿papa幫我搬上去,今次自己搬落去都幾煩,事關仲係大清早,好靜,我o地拖個行李落去時攪到好鬼嘈,好多戶都開門睇o下究竟發生乜事,只好不停say sorry。好辛苦先落到去地下,又遇到另一個問題。個屋主真係好信我,叫我淨係將條鎖匙放入有佢名的信箱就ok。但係搵極都唔見佢個名在任何信箱上,打電話俾個屋主又飛了落留言,只好估係其中有個被水整濛o左個名的信箱。用8.75euro買了張單程車票去Orly,可能係番工時間,好多人,好難但又好好彩俾我o地同我o地2件大行李迫到上車,然後在Antony站轉OrlyVal去airport Orly Sud。去到機場已差唔多9:15。辦完手續後不久就上機(話時話,Orly機場的洗手間好污糟~~~)。

班機準時在10點起飛,約12點便到Barcelona。巴塞隆那的機場好大,但個遊客服務中心的服務員好cool,問佢多少少野就好似阻住佢d私人時間咁。然後我們便乘火車往City of Barcelona(2.25euro)。點知去到目的地Catalunya時,唔明d人點放行李,成個通道塞住哂,攪到我同poling都趕唔切按住個車門唔俾佢關上,要等到下一車站先落得,再好煩 兼辛苦咁搬20kg多的行李上一層樓又再落一層樓去對面個月台坐回頭車(係要行樓梯,冇電梯呀!!!)。最後終於去到Catalunya,然後轉metro,並且買了5days pass,要成18.2euro,比起巴黎真係好貴。跟著就乘地鐵去Liceu往我o地呢幾晚要住的hostel。等了一回,個負責人o黎接我o地,穿過好多小巷後,去到一間好舊的屋,一入地下大門真係嚇親,黑漆漆,要搵燈制開燈,然後行上d唔知幾多年的破舊石梯級,有d恐怖,再去到1樓的旅館,覺得有入o左黑店的感覺,最慘係分配到間好細的房,我同poling放了行李箱都冇位行,但見人o地隔離間2人房大好多,仲有露台,價錢一樣,1人18euro1晚,幾貴,好唔公平,真係想即刻走,但咁辛苦搬了行李上o黎都費事再攪咁多野。

辦好手續後便往附近行,主要在舊城區及La Rambla,在舊城區亂行亂逛不難發現好多特別的小店。設計得好contemporary的鋪頭與舊城建築的對比很有巴塞隆那的地方特色。而在舊城區的建築物與建築物之間的小巷牆上都有好多色彩繽紛的塗鴉,我都係靠這些塗鴉來認路。好喜歡這裡,比起巴黎的輕鬆安逸步伐,巴塞隆那就顯得更有活力及色彩,每天就像節日一樣。但這裡的商店休息時間對於來自香港的我就覺得好奇怪。好多鋪頭都係下午2點至5點休息,然後5點再開過門做生意,even超市都係咁。

沿著La Rambla,可看到很多餐廳及賣藝人,行行o下已到Placa de Catalunya,見到好多鴿子同一些悠閒的人。然後去了在廣場旁的旅遊中心問基本資料及拿了些leaflets。在一些internet cafe問過將portable hard disk的相燒碟,但好多都唔肯,但這裡的上網費較巴黎平好多,通常1euro/1小時,有些更平至7euro/1星期任用。後來終有間internet cafe話肯幫我o地,但都要等第日先得,因為唔自己帶碟燒會好貴,但叫做放下了心頭大石。今日成日未食野,poling話請客,萬歲!在La Rambla選了間餐廳,便點了海鮮炒飯,及煎魚+三寶。吃飽後,在超級市場買了些必需品後就回到hostel,要成12人爭用同一浴室沖涼,真煩,仲要間房幾污糟,有潔癖的我還要清潔了一下先敢訓,真係要問佢俾番清潔費。清理完,好累,都係早點訓。

 

<-前一日

下一日->