7月28日(星期三)晴

今日成9點先起身,因我房o既窗對正天井,所以長期關閉著,天光o左都唔知。食了個昨日在超市買的蛋糕就帶埋d blank CDs出了去Catalunya,搵番昨日間internet cafe,點知去到真係俾佢激死。昨日個女服務員明明話可以幫我o地燒碟,點知今日當值的男服務員又話唔得,俾佢玩死,仲俾佢點o左去間好貴的都唔知點算好。在銀行換了旅行支票後,沿La Rambla俾我o地發現在Liceu到有間internet cafe,仲只收我o地每隻碟1.8euro,個店員仲好好人,安樂哂,俾o左個portable hard disk佢燒碟後,就去o左對面個菜市場La Boqueria,旅遊書說這是歐洲最壯觀的菜市場,裡面有好多新鮮的生果及海鮮,在市場右邊有2檔開放式餐館,是圍著廚師坐那種,d食物大大碟,好似好好味。在菜市場裡買了小型水蜜桃食,便回internet cafe取回CDs,但其中有數隻有問題,攪到要等多一段時間,此時見有一女子投訴被人愉了袋,都係要小心d

等到成7點鐘先燒完d碟同format了個hard disk。真係俾個portable hard disk玩死(應該話係俾個手多多的法國仔累),浪費了我o地差唔多2日時間。見已咁夜,就在舊城區行。見到間賣postcardsposters的鋪頭,佢賣的postcards d紙質較特別,所以都忍唔住買o左幾張postcards。行到去Carrer de Cucurulla時,見到有間雪糕店Gelateria Italiana大排長龍,我當然唔會錯過食雪糕的機會,同個似特工的風趣店員買了個花生碎朱古力筒的2球雪糕(2.5euro),好味道,而Malaga味的幾特別。在橫巷行了很多style濃厚西班牙味道的鋪頭到9點,就在一間好多人排隊的小食店買了shawarma,幾好食但應該好熱氣。回hostel途中用6euro買了張電話咭,打回香港約有2百幾分鐘。今日又要爭bathroom用,唉~~~

 

<-前一日

下一日->