7月29日(星期四)陰

昨晚俾隔離房班法國男仔嘈到冇覺好訓,攪到今朝個人好鬼呆滯。在hostel附近的麵包店買了個plancha cabello(1.7euro)做早餐,便乘metroSagrada Familia站去聖家堂。這座Gaudi設計的教堂現仍在工程中,不知何時才會完全建成。不過淨看耶穌誕生那一面建成的部分已不枉到此一遊。聖家堂對面的沙地後藏有一細小公園,可在這裡拍得聖家堂的全景,最可惜是今早天陰,要不然拍出來的相片效果會較好。

照後,我o地就搭地鐵去Diagonal到另一Gaudi所建的Casa Mila。在往Casa Mila途中仲見到班性感美女@.@!!!用3.5euro學生價入了這座有波浪形外牆的建築物,參觀了公寓部分及屋頂,在屋頂可見著名的有趣煙囪及通風口。

行完後,便沿Passeig de Gracia行,經過Fundacio Antoni Tapies,見到屋頂上那用鐵線做成的「雲和梯」去到不協調街區,用了12euro參觀了Casa Batllo,好貴呀!!!但冇法,鬼叫我鐘意Gaudi的設計,可惜個DC的電唔爭氣,行到頂樓已冇電。然後就去隔離睇了Casa Amatller,另在Dino買了3球雪糕食(2.5euro)yummy :9!經過了Casa Ramon Mulleras及Casa Loeo Morera,可惜不能入內參觀。繼而poling想參觀香水博物館,但我o地搵極都唔見,後來,先發現原來間博物館在間似莎莎的香水店裡面最盡頭,可能因冇人參觀,個門closed o左,要叫香水店的職員開門同開燈入去,裡面有好多得意精緻的香水瓶。

之後,就求其跳上了架巴士,見到喜歡的地方先落車。在Catalunya下了車,看o左一間Spanish style的舞衣店附近,見已7點,就在一間寫著7.5euro buffet的餐廳食晚飯buffet,食得好飽,唔明點解坐在隔離的美國遊客食量可以咁勁,已見個美國女仔食了5至6片pizza都好似仲未飽.....之後就向Catalunya方向繼續行,在西班牙最大的連鎖百貨公司El Corte Ingles的地庫行了超級市場,可惜已差唔多收,只行了一陣。回到hostel,一入門口,又見到班法國男仔,講野大大聲,有d煩,惟有沖涼完入房避靜。

P.S.:因為相機冇電,所以post出來的香水博物館照片是由poling影的。

 

<-前一日

下一日->