7月30日(星期五)晴

今早6點又俾班法國仔嘈醒.....-_-",起身後就往附近的菜市場La Boqueria,在裡面的麵包店買了個糖粉麵包(0.75euro)做早餐,而o係隔離海鮮檔仲見到d大大隻的蝦,滿吸引的。

然後,我o地就乘metro去了Jaume IMuseu Picasso。出了地鐵站,沿Princesa行,見到一間很有特色的面具店,那些面具全都手工精細,可惜價錢太貴。用8euro買了Museu Picasso入場卷(包括permanenttemporary展覽),裡面展品很多,但代表作較少。不過好彩在佢間souvenir shop買番d postcards補數。

繼而去了對面間Museu Textil參觀(學生價2.5euro)。行完後便回Princesa,在一間餐廳同poling叫了個墨汁Paella(6.95euro) share o黎食。

食完後,見本旅遊書話Museu d'Art ModernMuseu Picasso不遠,於是就諗住行去,但今日又熱又曬,行行o下都覺好辛苦,於是就在雪糕店買了3球冬菇、合桃及栗子味的雪糕(2.7euro)。行到Parc de la Ciutadella,個好人守衛話我知個museum closed o左,所有展品搬了去Museu Nacional d'Art de Catalunya......只好搭地鐵去另一景點Parc Guell,在去地鐵途中見到Arc del Triomf

乘車到Lesseps,依著路牌上山往Gaudi另一設計Parc Guell。行上個長命斜,都咪話唔辛苦。終俾我o地見到個自動登山電梯,但佢竟然唔work,踏上去完全冇反應.....真係俾佢玩死我了@_@'。惟有用腳再繼續上山,上到個公園已上氣唔接下氣。在公園入口處見到一小貓,我o地喵兩聲佢就自己走過o黎俾我o地摸,好可愛呀!登上公園的小丘,可以俯覽到巴塞隆那建築物排列整齊的景色,就像一個個方格一樣。愉快地欣賞了百柱廳及鑲有很多色彩繽紛瓷磚的廣場,終於行到公園正門,到達Casa Museu Gaudi。但此時已7點,個museum已關,看一看個開放時間,原來只係開到3點,真係早!!

在門口見到有攤位正介紹Forum Barcelona 2004,話今週有flamingo睇,而今晚那場是最精彩的,於是我和poling決定今晚就去那裡。乘metro到El Maresme/Forum,用12euro買了入場卷,便可隨意參觀裡面所有展覽及表演,而好人的售票員還額外送多張可免費去博物館的入場卷俾我,可惜呢幾日都差唔多去哂我想去的博物館。入到場,先醫肚,買了Nashi Goreng及橙汁(5euro)。食完後,就在會場內周圍行,此時已9點幾,在河邊見到有個musical drama,幾得意。終於等到10點半flamingo的表演,台下已擠滿了人。舞蹈員及唱歌的表演者非常配合,隨著那強烈的節奏感,表現出了那種悲哀及激烈的情,真的沒想到原來flamingo是這麼好看的,而一個有成200多磅的超肥女人也可以跳得超酷。但不明為何所有男舞者都留長髮,是較性感嗎?睇到差唔多12點先番hostel,真係一個精彩的晚上,令人難忘。

 

<-前一日

下一日->