7月31日(星期六)晴

今日我細妹同佢同學會來巴塞隆那join我o地,所以決定離開呢間恐佈hostel,到我細妹朋友家中借宿。晨早8點便起身,準備將d污糟衫拎去洗,點知等到成10點先開門。買了個Tarta Manzana(1.3euro)做早餐,洗好衫己11點。約好細妹12點在Catalunya等,點知當我同poling行出hostel前面的街口,就已撞到細妹,佢同學仲有佢個住在巴塞隆那的意大利朋友Paulo,真好彩,唔洗拖住個大行李搭metroCatalunya。於是我o地就先搭車去佢朋友在El Putxet的家。

但係入到去佢屋企都真係有d嚇人,好似仲裝修緊,仲污糟過間恐怖hostel。但冇法,可以免費住2晚。安頓好後,見今日是星期六,便去市集Els Encants,但去到發覺沒太多東西看,而且很多檔主已準備離開,所以行了一陣便離開。跟著就去番昨日去過的Jaume I,因poling想試我昨日食的雪糕。食完雪糕後,就在附近的橫街窄巷行。行行o下,竟然又俾我撞到細妹,真係巧合,一日裡面撞見成兩次,真不可思異 :-O~~在像迷宮的小巷中逛,好像永遠有新發現,不難發現一些獨特鋪頭,其中有間鋪專賣紙製雕塑品,滿有趣的。因約了細妹7點在Catalunya食飯,未睇完野都只好要走。

La Rambla一間餐廳食過Paella、炸魷魚及沙律(6euro/person),就回apartment。番到去先知大件事,原來Paulo同我細妹之間有點誤會,佢以為我o地同佢食晚飯......於是乎我o地只好扮未食野再食一餐-_-"......在超市買了好多食物BBQ,要成50euro!!!!!食到真係好鬼飽.....飲o左酒,成3點幾先訓覺......

 

<-前一日

下一日->