8月1日(星期日)晴

因昨晚成3點先訓,今日我o地到10點半先起身。與Paulo出去吃了早餐,佢請客,點了個spainish cake,好味又唔會好甜。然後我們就往火車站book明日往Granada的火車票。但點知去到火車站先發現我細妹的同學唔記得帶我o地的euro pass出o黎,結果佢同poling就番屋企拿pass,我同細妹就o係火車站等佢地,順便keep住拎輪候券同食lunch。在站內餐廳share了個8euroset食,等到4點,終見佢o地番。但係好唔好彩,所有由巴塞隆那去Granada的車票在8月份全滿!!!經商量後,只好先去馬德里,然後去Malaga。因明日去馬德里的位亦滿,所以要在巴塞隆那停留多一日,及要放棄去Granada,真可惜。攪妥所有bookings都成5點,仲要19euro手續費,真貴。

見咁夜,便同poling去昨日未行完的Jaume I行到Catedral de Barcelona,可惜正在維修當中,只好在外影相留念。在附近廣場見到有人表演跳舞,自己的心情也被這快樂的氣氛感染。經過一間餅鋪,見d蛋糕好吸引,所以買o左個o黎食(1.7euro)。行行o下,俾我發現了間好似幾出名(門口貼滿了報章及雜誌的介紹)的雪糕店。叫了個奇異果雪糕(1.8euro),味道真係好清新,同個雪糕筒d味道都好特別。逛了一會,行到去Liceupoling原來除了個雪糕外,成日都未食過野。於是入了間pita inn買了個shawarma,個店員好好人,除了將個飽裝得滿滿外,仲免費送了杯汽水俾poling

跟著就去Catalunya join我細妹,在internet cafe book馬德里的酒店,最後選了間3星的酒店,雙人房每晚49euro。見肚餓,就在poling今日買shawarma的同集團另一分店買了個shawarma食,又真係幾好味,在門口影相時仲突然有個外地遊客將佢塊面貼過我到,嚇得我~~~番到去El Putxet,按了一陣門鐘都冇人應,Paulo在約定時間仍未回家......差唔多等了一個鐘,佢終於回來.....同Paulo燒了昨日買的茄子及青瓜食,又飲到醉地,成4點先訓。

 

<-前一日

下一日->