7月14日(星期三)晴

今日是國慶日,本想早點起身湊熱鬧。但今日晨早4點幾,被手提電話聲吵醒了。首先是poling接到long d,而我過了數分鐘也接了個long d,但我o地兩個都冇接聽過電話。而poling聽了留言後先知係在香港fashion design的一個同學打俾我o地,但點解佢冇留意到時差...........攪到整日精神不振,差唔多成10點先起身。去到凱旋門己12點幾。閱兵遊行已完,只見好多人拿著法國國旗在揮動。

在香榭麗舍大道一直走,看到很多好似好好味的朱古力店及餅店....而poling在一舊商場亦買了張電話咭用。經過Grand PalasisPetit Palasis,但可惜正在維修中。行到了Pont Alexandre III,在橋上看到鐵塔同塞納河的景色,並在巴黎傷兵院看到了跳傘表演。為了看晚上的煙花表演,我們今日6點便回到apartment,食了昨日食剩的蕃茄意粉做晚餐,看了一陣電視後,便往Champ-de-Mars。不知是否假期關係,班次很少,而line 9可能因為可到鐵塔所以好多人。到Trocadero站時個站已封,想轉車去Bir-Hakeim,但個警察話個站會在數分鐘後封,所以我們便只好在下一站Dupleix落車,然後跟著人潮看煙花。見時間已到,走呀走,終於見到個鐵塔同煙花,雖然不是最佳位置,但都覺得好靚,even冇男友在身邊亦覺好浪漫,感覺超爽!!!接近1點先番到屋企,很累,匆忙沖涼洗頭便訓覺。

 

<-前一日

下一日->