|
7月30日(星期三)雨 今早見天氣繼續差，上南針峰只係浪費金錢，於是hea住咁食酒店個早餐，同d職員傾下計，先乘火車回瑞士。又可以俾多個藉口再次到霞慕尼(Chamonix) :D。
由Chamonix去策馬特(Zermatt)差不多要4小時，轉幾次車，在Martigny轉完又要在Visp轉，好彩我地之前在瑞士時一早寄哂行李，唔洗拖住個行李箱轉車。用Swiss pass可以免費乘這段車程。坐火車時查到明早天氣會好，立即上網訂了明早的Sunrise tour。去到Zermatt已3點。
在火車站取回行李，先去公寓，但上去要差唔多行成80級樓梯，拖住個行李上山即刻有不如再將個行李寄到下一個站既衝動。去到公寓，覺得中了伏，感覺唔太乾淨，見地毯上有d毛髮....個雪櫃仲冰封左...初初訂這裡是因為個望住馬特洪峰(Matterhorn)個靚景，點知之後幾日每次我們在公寓時，馬特洪峰都被雲遮住，好失望>_<~
到鎮上走一轉，並去Coop買了晚餐就回公寓。今晚要早點睡，明天晨早5點幾要到火車站參加sunrise tour。
|
