7月23日(星期三)晴+陰

瑞士官方天氣網預測今天早上是陰天,但屋主前日告訴我,在我逗留的幾天裡今早會是上少女峰(Jungfraujoch)最好的日子。一早起來果然是晴天呀!再在少女峰的網頁睇即時影像確認,果然是藍天,屋主預測仲準過天文台,果然是經驗豐富的攀山導遊。立即梳洗好到Grund車站,買第一班上山的車票。

因列車是由Grindelwald開出,到Grund時所剩座位不多。在Kleine Scheidegg要轉乘另一登山列車,但第一班上去的只接待團體及在少女峰展望台工作的職員。不過第二班車很快就到。坐在旁邊是一對日本夫婦,太太幸子女士很健談,並多次幫我們拍照(後記︰幸子女士還用當日的相片做了段片放上了youtube,我和老公的樣子出現了好多次^O^)。列車中途會在EigerwandEismeer停靠。

上到少女峰,全歐最高的火車站,天氣仍然超好,先上了Sphinx展望台。

本想在雪原玩雪盤等戶外活動,但當日竟然冇得玩...雖然天氣好,但在室外留得耐都幾凍,見到有人影pre-wedding相,著得好單薄。不過其實個白色雪景,應該唔使上到少女峰咁高都影到。行左陣,仲見到位壯男脫去上衣,乜真係咁熱 @o@?!?

回到室內,去了冰宮,並在歐洲最高的郵筒寄了張明信片。

坐車回Kleine Scheidegg,在車上職員派了少女峰朱古力給我們。不過之後放在外套忘了拿出來,差點溶了。本想去First,但到達Kleine Scheidegg時天氣開始陰,所以決定走到Mannlichen

Mannlichen坐纜車到文根Wegen,在Wegen待了一會就打道回Grund。公寓有個大廚房,當然不能浪費,而且附近餐廳既水準亦普通,今晚唯有繼續自己煮晚餐。

 

 

 

<-前一日

下一日->